ایبٹ آباد میں اغوا کے بعد بے دردی سے قتل ہونے والی ڈاکٹر وردہ مشتاق کی موت کیسے ہوئی؟ اس حوالے سے کی میڈیکل پوسٹ مارٹم رپورٹ سامنے آگئی ۔
ایبٹ آباد( حماد ثاقب) پوسٹ مارٹم میڈیکل رپورٹ کے مطابق ڈاکٹر وردہ کی موت گردن کی ہڈی ٹوٹنے کے بعد دم گھٹنے کے باعث ہوئی ۔
میڈیکل پوسٹ مارٹم رپورٹ میں کہا گیا ہے کہ ڈاکٹر وردہ مشتاق کی موت فی الفور واقع ہوئی ۔
رپورٹ میں مزید کہا گیا ہے کہ ڈاکٹر وردہ پر تشدد بھی کیا گیا، ناک سے خون بھی آیا ،ڈاکٹر وردہ کے بالوں میں مٹی کے ذرات بھی پائے گئے ہیں ۔
یاد رہے کہ ایبٹ آباد کے بے نظیر ہسپتال کی ڈاکٹر کو مبینہ طور پر اغوا کے بعد قتل کر دیا گیا تھا، ڈاکٹر وردہ کی پوسٹ مارٹم رپورٹ فارنزک تجزیے کے لیے بھیج دی گئی ۔
