ایبٹ آباد میں ڈولی لفٹ سے گر کر ایک نوجوان جاں بحق ہو گیا۔ یہ افسوسناک واقعہ ایبٹ آباد کے تھانہ لورا کی حدود نڑہوتر کے مقام پر پیش آیا۔ ذرائع کے مطابق ڈولی لفٹ میں ناکافی حفاظتی انتظامات کے باعث یہ حادثہ پیش آیا۔ ڈولی میں سفر کرتے ہوئے نوجوان گر کرجاں بحق ہو گیا۔ جاں بحق نوجوان کی نعش کو ہسپتال منتقل کر دیا گیا ۔
یاد رہے کہ اس سے قبل بھی ڈولی لفٹ سے گر کر معتدد افراد جان کی بازی ہار چکے ہیں۔
