اڈیالہ جیل راولپنڈی میں ایک قیدی کو مبینہ زیادتی کے بعد قتل کردیا گیا۔ جیل انتظامیہ کے مطابق یہ واقعہ جیل کے ایڈز وارڈ میں پیش آیا جہاں قید 4 قیدیوں نے مقتول قیدی کے گلے میں پھندا ڈال کر اسے مار ڈالا۔ اطلاعات کے مطابق یہ واقعہ یکم اور دو دسمبر کی درمیانی رات اڈیالہ جیل کے ایڈز وارڈ میں پیش آیا ہے۔ جیل انتظامیہ کے مطابق مقتول اور ملزمان ایڈز کے مریض ہیں۔
جیل انتظامیہ کے مطابق انہیں شک ہے کہ مقتول کے ساتھ جنسی زیادتی بھی کی گئی ہے۔ چاروں ملزمان کے خلاف تھانہ صدر بیرونی میں مقدمہ درج کرلیا گیا ہے۔ دوسری جانب ڈی آئی جی جیل راولپنڈی ریجن نے اڈیالہ جیل میں رونما ہونے والے اس اندوہناک واقعے کا نوٹس لیتے ہوئے انکوائری کا حکم دے دیا اور جیل عملے و افسران کو معطل کردیا ہے۔
