شہریوں کو بغیر کسی وجہ کے حبس بے جا میں رکھنے کے الزام میں گرفتار اسلام آباد کے تھانہ سنگجانی کے ایس ایچ او کو جوڈیشل ریمانڈ پرجیل میں بھیج دیا گیا ہے۔
ذرائع کے مطابق تھانہ سنگجانی پولیس نے اپنے ہی تھانے کے گرفتار ایس ایچ او عاصم علی زیدی کو جوڈیشل مجسٹریٹ محمد اظہر ندیم کی عدالت میں پیش کیا۔
پولیس نے ملزم کو جوڈیشل کرنے کی استدعا کی جس کو عدالت نے منظور کیا۔ملزم ایس ایچ او کو جوڈیشل ریمانڈ پر جیل کی جانب بھجوا دیا گیا ہے۔عاصم زیدی پر دو شہریوں کو مقدمے کے بغیر ہی انیس روز تک حبس بے جا میں رکھنے کا الزام عائد کیا گیا ہے۔ذرائع کے مطابق عاصم زیدی کے خلاف ڈی ایس پی ترنول سرکل انصار احمد کی مدعیت میں مقدمہ درج کیا گیا تھا۔
