پاکستان اور ایران کےدرمیان حالیہ کشیدگی کے تناظر میں قومی سلامتی کمیٹی کا اجلاس جلد بلائے جانے کا امکان ہے۔
ذرائع کےمطابق وزیراعظم کی واپسی پراجلاس کی تاریخ کا طے کی جائے گی۔ اجلاس میں اعلیٰ عسکری اورسول حکام شرکت کریں گے اور قومی سلامتی اور پاک ایران کشیدہ تعلقات کے حوالے سے اہم فیصلےکیےجائیں گے۔
اس سےقبل پاک ایران کشیدگی کےباعث نگران وزیراعظم انوارالحق کاکڑ نےدورہ ڈیووس مختصرکردیا۔ وہ جلد پاکستان پہنچ رہےہیں۔ترجمان دفترخارجہ کےمطابق نگران وزیرخارجہ نےبھی دورہ یوگنڈامختصرکردیا ہے۔ ان کا کہنا تھا کہ پاکستان کی سلامتی اورقومی مفاد پر کوئی سمجھوتا نہیں کیا جا سکتا۔
