ملک میں پھر سے پیٹرولیم مصنوعات کی قیمتوں میں بڑا اضافہ متوقع

پیٹرولیم مصنوعات کی قیمتوں میں بڑے اضافہ متوقع ہے۔ملک میں پھر سے پیٹرولیم مصنوعات کی قیمتوں میں بڑا اضافہ متوقع ہے۔

ذرائع کا کہنا ہے کہ پیٹرول کی قیمت میں 9روپے 50پیسے اضافے کا امکان ہے ۔ ممکنہ اضافے کے بعد نئی قیمت 279روپے 75پیسے سے بڑھ کر 289روپے 25پیسے ہو جائے گی۔جبکہ ڈیزل کی قیمت 0.86روپے کے اضافے کے ساتھ 285.56روپے تک پہنچ جائے گی ۔ذرائع کا کہناہے کہ حکومت پیٹرولیم لیوی کو 60روپے سے بڑھا کر 100روپے کرنے کا ارادہ رکھتی ہے۔ پیٹرولیم ڈویلپمنٹ لیوی میں حالیہ برسوں میں متعدد ایڈجسٹمنٹ دیکھنے میں آئی ہے جن میں مالی سال 2023 کے دوران نمایاں اضافہ ہوا ہے۔ابتدائی طور پر جولائی 2022میں پیٹرول پر پیٹرولیم لیوی 20روپے فی لیٹر مقرر کی گئی تھی جس کے بعد نومبر 2022میں اسے بڑھا کر 50روپے فی لیٹر کر دیا گیا تھا اور ستمبر 2023تک مزید بڑھا کر 60روپے فی لیٹر کر دیا گیا تھا