واشنگٹن : پاکستانی نوجوان کو امریکا میں یہودیوں پرحملے کی منصوبہ بندی کرنےکے الزام میں گرفتار کرلیا گیا ـ
غیر ملکی خبر رساں ادارے کی رپورٹ کے مطابق ، 20 سالہ پاکستانی نوجوان محمد شاہ زیب کویہودیوں پر حملے کی منصوبہ بندی کے الزام میں کینیڈا سے گرفتار کیا گیا۔ شاہ زیب یہودیوں کے سخت مخالف ہے،شاہ زیب نے مبینہ طورپر ایک خفیہ ایجنٹ کوبتایا کہ وہ اس لیے نیویارک کو نشانہ بنانا چاہتا ہے کہ وہاں یہودی کثیر تعداد میں ہیں ،اور وہ یہودیوں کا نام و نشان اس صفحہ ہستی سے مٹانا چاہتا ہے ـ
غیر ملکی خبر رساں ادارے کی رپورٹ کے مطابق ،امریکی حکام کا کہنا ہے کہ ملزم 7 اکتوبر کو اسرائیل پر حماس حملوں کا ایک سال مکمل ہونے پر یہودیوں کو داعش کے نام پر قتل کرنا چاہتا تھا۔ شاہ زیب نے 4 ستمبرکو کینیڈا سے امریکا آنے کیلئے 3 مختلف گاڑیاں کا استعمال کیا ـاسے کینیڈا کی سرحد سے 12 کلومیٹر اندر گرفتار کیا گیا۔ اگر شاہ زیب کا جرم ثابت ہو گیا تو شاہ زیب کو 20سال قید ہو سکتی ہے۔
