پشاور: سی ای او واٹر اینڈ سینیٹیشن سروسز پشاور قرۃ العین وزیر کی قیادت میں شہر بھر میں صفائی مہم کامیابی سے جاری ہے۔
قرۃ العین وزیر گرینڈ صفائی آپریشن کی خود نگرانی کر رہی ہیں.
ان کی نگرانی میں شہر کے 80 فیصد علاقوں میں صفائی کا کام مکمل کر لیا گیا ہے اور باقی 20 فیصد علاقوں میں کام جاری ہے۔
شہریوں نے صفائی مہم پر اطمینان کا اظہار کرتے ہوئے موجودہ حکومت اور ڈبلیو ایس ایس پی کی سربراہ کا شکریہ ادا کیا ہے۔
اہلیان پشاور کا کہنا ہے کہ قرۃ العین وزیر نے دیگر محکموں کے سربراہان کے لیے فرض شناسی کی اعلیٰ مثال قائم کی ہے۔
شہریوں کے مطابق واٹر پائپ تھام کر خود نالیاں صاف کرنے اور عملی طور پر صفائی آپریشن میں حصہ لینے سے اداروں میں ایک نئی روح پیدا ہوئی ہے۔
گزشتہ پانچ چھ سال سے التوا کا شکار صفائی کے کام کے بعد شہر میں دن رات جاری گرینڈ آپریشن قابلِ تعریف ہے۔
عوام کا کہنا ہے کہ اس مہم کے مثبت اثرات نمایاں ہو رہے ہیں اور پشاور کو ایک بار پھر پھولوں کا شہر بنانے کے عزم پر پیش رفت جاری ہے۔
شہریوں نے گورنر راج کے بعد ڈبلیو ایس ایس پی کی کارکردگی میں بہتری کو سراہا ہے۔
