اسلام آباد میں وفاقی وزیرِ منصوبہ بندی احسن اقبال نے چینی سرمایہ کاروں کے کاروباری وفد سے ملاقات کی۔
وفاقی وزیر نے زور دیا ہے کہ وہ پاکستان میں پیداواری یونٹس قائم کرکے اسے علاقائی اور عالمی منڈیوں کے لیے برآمدی مرکز بنائیں۔
احسن اقبال نے کہا کہ سی پیک کے دوسرے مرحلے میں صنعتی تعاون، ٹیکنالوجی کی منتقلی، معدنیات، انفارمیشن ٹیکنالوجی اور نجی شعبے کی سرمایہ کاری پر توجہ دی جا رہی ہے۔
احسن اقبال نے کہا کہ آئندہ تین سال میں برآمدات میں سات ارب ڈالر اضافے کا ہدف معاشی استحکام، روزگار کے مواقع اور بیرونی مالی معاونت پر انحصار کم کرنے میں مدد دے سکتا ہے۔
چینی وفد نے خنجراب کے راستے تجارت بڑھانے اور پاکستان میں نئی سرمایہ کاری کے امکانات میں دلچسپی کا اظہار کیا۔
