اسلام آباد: وزیرِ اعظم محمد شہباز شریف نے ائیرپورٹس پر فوری سمارٹ سکینرز نصب کرنے کی ہدایت کی ہے۔
وزیرِ اعظم نے ائیرپورٹس پر مسافروں کو درپیش مشکلات کو ختم کرنے اور انکے لئے سفر میں مزید سہولت پیدا کرنے کیلئے اقدامات کی منظوری دی۔
وزیرِ اعظم کی زیر صدارت کسٹمز کے نظام پرجائزہ اجلاس اسلام آباد میں منعقد ہوا۔
محمد شہبازشریف نےکہا کہ کسٹمز حکام کی بجائے سمارٹ سکینرز سے سامان کی جانچ کی جائے۔
انہوں نے کسٹمز حکام کی جانب سے مسافروں کو بلا ضرورت پوچھ گچھ سے تنگ کرنے سے روکنے کے احکامات جاری کر دیئے۔
وزیرِ اعظم کی سمارٹ سکینرز کو فوری طور پر فضائی راستے سے پاکستان برآمد کرکے تمام بین لاقوامی ائیر پورٹس پر نصب کرنے کی ہدایت کر دی۔
انہوں نے کہا کہ ہوائی اڈوں پر مسافروں کے سامان کی جانچ کیلئے فرسودہ طریقہ کار ترک کرنا ہوگا۔
مسافروں کی سہولت اور آرام اولین ترجیح ہے، کسی کو بھی مسافروں کو تنگ کرنے کی اجازت نہیں دیں گے۔
محمد شہبازشریف نے کہا کہ مسافروں کے سامان کی جانچ کیلئے بین الاقوامی سطح پر رائج خود کار نظام لایا جائے گا۔
ہوائی اڈوں پر دیگر سہولیات کیلئے تعینات سٹاف کی بھی بین الاقوامی طرز پر تربیت کی جائے گی۔
انہوں نے ہدایت کی کہ سروس ڈلیوری میں شائستگی اور انسانی احترام کا عنصر ٹریننگ کا کلیدی جزوو بنایا جائے۔
اجلاس میں وزیرِ اعظم کو ہوائی اڈوں اور بندرگاہوں سمیت ملک کے مختلف مقامات پر سامان کی آمدو رفت اور کسٹمز کی نگرانی پر جائزہ پیش کیا گیا۔
اجلاس کو کسٹمز کی انفورسمنٹ فورس کی کارکردگی پر بریفنگ دی گئی۔
اجلاس کو پیٹرولیم مصنوعات کی اسمگلنگ کی روک تھام کیلئے اقدامات پر بھی بریفنگ دی گئی۔
