اسلام آباد: وزیر مملکت برائے داخلہ طلال چوہدری نے اسلام آباد ماڈل جیل کا دورہ کیا.
وزیر مملکت نے جاری تعمیراتی کاموں پر پیش رفت کا تفصیلی جائزہ لیا۔
اس موقع پر طلال چوہدری نے کہا کہ برسوں سے زیر التوا اسلام آباد ماڈل جیل منصوبے کو موجودہ حکومت نے عملی شکل دی۔
انہوں نے کہا کہ وزیراعظم شہباز شریف اور وفاقی وزیر داخلہ محسن نقوی کی قیادت میں ترقیاتی منصوبے ریکارڈ رفتار سے مکمل کیے جا رہے ہیں۔
وزیر مملکت نے متعلقہ اداروں کو منصوبے کی بروقت تکمیل کے لیے کام کی رفتار مزید تیز کرنے کی ہدایت کرتے ہوئے کہا کہ کام تیز رفتاری سے مکمل کیا جائے، تاہم معیار ہر صورت برقرار رکھا جائے۔
