مری: عیدالاضحیٰ اور لانگ ویک اینڈ پر سیاحوں کی بڑی تعداد مری پہنچ گئی،عید کے پہلے دن سے اب تک ایک لاکھ سے زائد گاڑیاں مری میں داخل ہو چکی ہیں ۔
مری: خوشگوار موسم سے لطف اندوز ہونے کے لیئے سیاحوں کی آمد کا سلسلہ بدستور جاری ہے، چیف ٹریفک آفیسر منیر احمد ہاشمی اور ڈی ایس پی ٹریفک فیلڈ میں نگرانی کر رہے ہیں ۔
200 سے زائد ٹریفک اہلکار مال روڈ، جی پی او چوک اور اہم شاہراہوں پر تعینات ہیں، غیر معمولی رش،کم پارکنگ گنجائش کے باوجود مربوط حکمت عملی سے ٹریفک کی روانی برقرار ہے ۔
گاڑیاں صرف مختص شدہ پارکنگ میں کھڑی کریں، سڑک کنارے پارکنگ سے اجتناب کریں، ٹریفک اہلکار 24 گھنٹے فیلڈ میں موجود، سیاحوں کی رہنمائی اور سہولت کے لیے متحرک ہیں ۔
مری انتظامیہ کا کہنا ہے کہ ضلع بھر میں ٹریفک معلومات اور رہنمائی کے لیے ہیلپ لائن 051-9269200 فعال ہے شہری رابطہ کریں ۔
