مری: کوٹلی ستیاں کی یونین کونسل درنوئیاں کے جنگلات میں اچانک شدید آگ بھڑک اٹھی ہے، جس نے دیکھتے ہی دیکھتے وسیع جنگلاتی رقبے کو اپنی لپیٹ میں لے لیا۔
آگ بیاگہ برج روڈ سے ملحقہ جنگلاتی علاقے تک پھیل گئی ہے، جس کے باعث چیڑ کے قیمتی درخت شدید متاثر ہو رہے ہیں۔
محکمہ جنگلات، ریسکیو 1122 اور فائر واچرز کی ٹیمیں آگ پر قابو پانے کے لیے مسلسل کارروائیوں میں مصروف ہیں، جبکہ مقامی افراد بھی امدادی سرگرمیوں میں بڑھ چڑھ کر حصہ لے رہے ہیں۔
ذرائع کے مطابق چیڑ کے درخت اور خشک پتے تیزی سے آگ پکڑ رہے ہیں، جس کے باعث آگ پر قابو پانا مزید مشکل ہو گیا ہے۔
انتظامیہ کے مطابق آگ بجھانے کے لیے تمام دستیاب وسائل بروئے کار لائے جا رہے ہیں اور صورتحال پر مسلسل نظر رکھی جا رہی ہے۔
