پاکستان اسٹاک ایکسچینج میں کاروباری ہفتے کے دوسرے روز کے احتتام پر مثبت رجحان دیکھنے میں آیا، جہاں کے ایس ای 100 انڈیکس میں 793 پوائنٹس کا نمایاں اضافہ ریکارڈ کیا گیا، جس کے بعد انڈیکس 1 لاکھ، 64 ہزار، 737 پوائنٹس کی سطح پر پہنچ گیا۔
مارکیٹ میں خریداری کا رجحان غالب رہا اور مختلف شعبوں کے حصص کی قیمتوں میں اضافہ دیکھنے میں آیا۔ سرمایہ کاروں کی جانب سے اعتماد میں بہتری اور مارکیٹ میں نئی سرمایہ کاری کے باعث تیزی کا رجحان برقرار رہا۔
ماہرین کے مطابق معاشی اشاریوں میں بہتری، حکومتی پالیسیوں پر اعتماد اور بیرونی عوامل میں مثبت پیش رفت مارکیٹ کی بہتری کی اہم وجوہات ہیں۔ خاص طور پر مشرقِ وسطیٰ میں جنگ بندی کے تسلسل اور مذاکرات کے امکانات نے سرمایہ کاروں کے اعتماد کو تقویت دی، جس کے مثبت اثرات مقامی مارکیٹ پر بھی مرتب ہوئے۔
دوسری جانب انٹربینک میں ڈالر2 پیسے سستا ہو گیا۔ ایکسچینج کمپنیز ایسوسی ایشن کے مطابق انٹر بینک میں ڈالر 278 روپے 78 پیسے کی سطح پر ٹریڈ ہو رہا ہے۔
