وزیر اعلیٰ پنجاب مریم نواز شریف نے ملتان میں ٹرک اور رکشے کے تصادم میں 4 افراد کے جاں بحق ہونے پر گہرے دکھ اور افسوس کا اظہار کیا ہے۔
انہوں نے سوگوار خاندانوں سے دلی ہمدردی اور تعزیت کا اظہار کرتے ہوئے زخمیوں کی جلد صحت یابی کے لیے دعا کی۔ وزیر اعلیٰ مریم نواز شریف نے متعلقہ حکام کو ہدایت کی کہ زخمیوں کو بہترین طبی سہولیات فراہم کی جائیں اور ان کی ہر ممکن دیکھ بھال یقینی بنائی جائے۔ وزیر اعلیٰ نے مستقبل میں ایسے حادثات کی روک تھام کے لیے انتظامیہ کو ٹریفک قوانین پر سختی سے عملدرآمد، شاہراہوں کی بہتری، اور حفاظت کے معیارات کو یقینی بنانے کی ہدایات بھی جاری کی ہیں۔
