ایران جنگ بندی میں موثر سفارت کاری اور کامیاب ملٹری ڈپلومیسی کی بدولت عالمی منظر نامے میں پاکستان مرکزِ نگاہ بن گیا۔ سوشل میڈیا ایکس پر صارفین کی جانب سے پاکستانی حکومت اور عسکری قیادت کی بھرپور پذیرائی کی جا رہی ہے۔
عالمی رہنماؤں کی جانب سے بھی ایران جنگ بندی کے لیے پاکستان کے بطور ثالث نتیجہ خیز کردار کی بھرپور ستائش کی جا رہی ہے۔ سوشل میڈیا صارفین کا کہنا ہے کہ پاکستان نے امریکہ، اسرائیل اور ایران کے درمیان کشیدگی کم کرنے کے لیے بروقت اور موثر اقدامات کیے اور کامیاب سفارت کاری سے خطے کو بڑی تباہی سے بچا لیا۔
ماہرین کا ماننا ہے کہ جنگ بندی میں پاکستان کے کلیدی کردار سے نہ صرف ملک کا وقار بلند ہوا بلکہ یہ اقدام خطے کے معاشی اور دفاعی مفاد میں ہے۔ یہ بات انتہائی قابل ستائش ہے کہ دنیا میں امن کے فیصلے اب پاکستان میں ہوں گے۔
