پنجاب پیف ٹیک (Provincial Intelligence Fusion and Threat Assessment Centre (PIFTAC):) قائم کرنے والا پہلا صوبہ بن گیا
وزیراعلیٰ مریم نواز شریف کی پراونشنل انٹیلی جنس فیوژن اسسمنٹ سینٹر آمد، وزیراعلی پنجاب کو پیف ٹیک اور امن وامان کے دیگر امور پر بریفنگ دی گئی۔
وزیراعلیٰ مریم نواز شریف کی منظوری کے بعد پنجاب میں پہلی مرتبہ اینٹی ڈرون یونٹ قائم کرنے کا فیصلہ کیا گیا ہے۔ وزیراعلیٰ مریم نواز شریف نے پنجاب میں فوری طور پر سائبرکرائم سیل قائم کرنے کا بھی حکم دیا ہے۔
وزیراعلیٰ مریم نواز شریف کی جانب سے اداروں کو عوام کے جان و مال کا تحفظ یقینی بنانے کے لئے مسلسل کومبنگ آپریشن کی ہدایت دی گئی۔ ساتھ ہی وزیر اعلیٰ نے داخلی اور خارجی راستوں پر جدید ترین سپیشل ڈیجیٹ سیکنر لگانے کے لئے فوری اقدامات کا حکم بھی دیا۔
وزیراعلیٰ نے عوام کے جان و مال کے تحفظ کو یقینی بنانے اور دہشتگروں اور جرائم پیشہ افراد کی سرکوبی کے لئے وسل بلویئر سسٹم مستحکم کرنے کا حکم دیا۔ مریم نواز کا کہنا تھا کہ پیف ٹیک میں سائبر سیکیورٹی اور دیگر امور کے لئے اے آئی ہب بھی قائم کی جائے گی۔ وزیر اعلیٰ نے اپنے خطاب میں کہا کہ دہشت گردوں کی کارروائی پر ری ایکشن کی بجائے پیشگی کارروائی کی پالیسی اپنائی جائے۔ پنجاب کو محفوظ ترین صوبہ بنانا چاہتے ہیں، عوام کے تحفظ کے لئے تمام وسائل بروئے کار لائیں گے۔
