بارانی زرعی یونیورسٹی راولپنڈی کی طالبہ نے کلاس فیلو کے خلاف مبینہ زیادتی کا مقدمہ درج کرا دیا، مقدمہ شمس کالونی پولیس سٹیشن میں درج کردیا گیا، پولیس نے فوری کارروائی کرتے ہوئے ملزم کو گرفتار کرلیا ۔
راولپنڈی: تھانہ شمس کالونی میں درج کرائی گئی ایف آئی آر میں طالبہ نے موقف اپنایا ہے کہ ملزم فیضان نے شادی کے بہانے کئی بار مبینہ زیادتی کا نشانہ بنایا ۔
مقدمے میں کہا گیا ہے کہ ملزم فیضان نے اس دوران قابلِ اعتراض تصاویر اور ویڈیوز بنا کر بلیک میل بھی کیا ۔
پولیس نے مقدمہ درج کر کے فوری کارروائی کی اور ملزم محمد فیضان کو گرفتار کرلیا ہے، ملزم سے مزید تفتیش جاری ہے ۔
