وزیراعظم شہبازشریف نے بحیثیت چیئرمین گلگت بلتستان کونسل نگران وزیراعلیٰ گلگت بلتستان کی سفارش پر نگران کابینہ کی تشکیل کی منظوری دے دی ہے، اس حوالے سے باقاعدہ نوٹیفکیشن بھی جاری کر دیا گیا ہے ۔
گلگت( ندیم خان) نوٹیفکیشن کے مطابق گلگت بلتستان کی نگران کابینہ میں مجموعی طور پر 14 ارکان شامل کیے گئے ہیں، جن میں وزراء اور مشیر شامل ہیں ۔
نگران کابینہ میں شامل وزراء میں سجاد علی بیگ، انجینئر الطاف حسین، غلام عباس، کرنل (ر) ابرار اسماعیل، مہر داد، شرافت دین، مولانا سرور شاہ، راجہ شہباز خان، ممتاز حسین، ڈاکٹر نیاز علی، سید عدیل شاہ اور بہادر علی شامل ہیں، جبکہ سید فاطمہ اور عبدالحکیم کو مشیر مقرر کیا گیا ہے ۔
نوٹیفکیشن پر جوائنٹ سیکرٹری گلگت بلتستان کونسل سدھر خان خٹک کے دستخط ثبت ہیں، نگران کابینہ سے توقع کی جا رہی ہے کہ وہ شفاف، غیر جانبدار اور منصفانہ انتخابات کے انعقاد کے لیے اپنی آئینی ذمہ داریاں احسن طریقے سے انجام دے گی ۔
