راولپنڈی میں ہولی فیملی ہسپتال کے ڈاکٹرز نے نومولود زندہ بچے کا ڈیتھ سرٹیفکیٹ جاری کر دیا، ہسپتال انتظامیہ کے مطابق بچہ لزارس سينڈروم کا شکار تھا جس میں سانس مدہم ہو جاتی ہے، معاملے کی انکوائری کیلئے کمیٹی قائم کر دی ہے ۔
راولپنڈی: سرکاری ہسپتال ہولی فیملی میں ڈاکٹرز کی جانب سے ڈیتھ سرٹیفکیٹ جاری ہونے کے بعد والدین نے بچے کے زندہ ہونےکی تصدیق کی تو بچے کو فوری وینٹی لیٹر پر شفٹ کر دیا گیا ۔
والدین نے بتایا کہ گزشتہ روزبچے کی پیدائش ہوئی، بچے کی حالت خراب تھی، بچے کے ڈیٹھ سرٹیفکیٹ پر ڈاکٹرز نے میت لواحقین کے حوالے کرنے کی تصدیق بھی کی ۔
والدین نے جب بچہ وصول کیا تو اس کی سانس چل رہی تھی، آکسیجن ماسک لگے بچے کو سانس لیتے ہوئے بھی دیکھا گیا ۔
اس حوالے سے ہسپتال انتظامیہ نے کہا کہ بچہ لزارس سينڈروم کا شکار تھا جس میں سانس مدہم ہو جاتی ہے، معاملے کی انکوائری کیلئے کمیٹی قائم کر دی ہے ۔
انتظامیہ کے مطابق ڈیتھ سرٹیفکیٹ جاری کرنے میں جو بھی ذمہ دار ہوا اس کے خلاف کارروائی کی جائے گی ۔
