پاکستان اور سعودی عرب کے درمیان گزشتہ روز ریاض کے شاہی دیوان میں ہوئے سٹریٹیجک دفاعی معاہدے کی خوشی میں واہ کینٹ شہر جگمگا اٹھا ۔
پپاک سعودی عرب کے درمیان تزویراتی دفاعی معاہدے کے بعد واہ کینٹ کی فضائیں آج رات روشنیوں اور جشن سے منور ہو گئیں جہاں شہریوں نے پاکستان اور سعودی عرب کے درمیان سٹریٹیجک معاہدے کی خوشی منائی ۔
شہر بھر کی سڑکیں، عمارتیں اور چوراہے سبز و سفید روشنیوں کے ساتھ ساتھ سعودی پرچم کے رنگوں سے بھی مزین کیے گئے ۔
شہریوں کا کہنا تھا کہ یہ روشنیاں محض ایک منظر نہیں بلکہ پاکستان اور سعودی عرب کے درمیان اٹوٹ رشتے، باہمی اعتماد اور خوشحال مستقبل کی علامت ہیں ۔
پاکستان اور سعودی عرب کو "ایمان، دوستی اور طاقت” میں سچے بھائی قرار دیتے ہوئے شہریوں نے دونوں ممالک کی طویل دوستی کے دوام کے لیے دعائیں کیں ۔
