نیشنل ڈیزاسٹر مینجمنٹ اتھارٹی نے کشمیر، راولاکوٹ، چترال،اسلام آباد، راولپنڈی سمیت ملک بھر میں مزید بارشوں کی پیشنگوئی کرتے ہوئے کہا ہے کہ 6 سے 10 جولائی کے درمیان موسلادھار بارشوں کا امکان ہے ۔
این ڈی ایم اے کی جانب سے جاری الرٹ میں کہا گیا ہے کہ 6 سے 10 جولائی کے دوران ملک بھر میں بارش، آندھی اور طوفان کا امکان ہے ،بارشوں کے باعث شہری علاقوں میں ممکنہ طور پر سیلابی صورتحال کا خدشہ ہے ۔
این ڈی ایم اے کے الرٹ کے مطابق اس دوران اسلام آباد، لاہور، راولپنڈی، اٹک اور جہلم سمیت پنجاب کے مختلف شہروں میں طوفان کے ساتھ بارش کا امکان ہے ۔
پشاور، دیر، سوات، چترال اور کوہستان سمیت خیبر پختونخوا کے مختلف شہروں میں بھی گرج چمک کے ساتھ بارش کا متوقع ہے ،کوئٹہ، ژوب، زیارت اور قلات سمیت بلوچستان کے مختلف شہروں میں بھی بادل برسنے کے امکانات ہیں، مظفر آباد، وادی نیلم اور راولا کوٹ میں شدید بارش کی پیش گوئی کی گئی ہے ۔
اس دوران میرپورخاص، عمرکوٹ، ٹھٹہ، بدین، گھوٹکی، خیرپور، شکارپور، لاڑکانہ، جیکب آباد اور دادو میں بھی شدید بارشیں متوقع ہیں، دوسری جانب کراچی میں آئندہ دو روز کے دوران بارش کی پیشنگوئی کی گئی ہے ۔
