مانسہرہ: تھانہ پھلڑہ کی حدود سراں پڑھنہ میں پیش آنے والے قتل کے واقعے میں پولیس نے مؤثر کارروائی کرتے ہوئے سگے بھائی کو قتل کرنے والے ملزم کو گرفتار کر لیا ۔
تفصیلات کے مطابق مورخہ 11 جون 2025 کو سراں پڑھنہ میں گھریلو تنازعے کے نتیجے میں ملزم زاہد حسین شاہ نے اپنے حقیقی بھائی احمد شاہ کو قتل کر کے موقع سے فرار اختیار کر لی تھی ۔
واقعے کی اطلاع ملتے ہی ضلعی پولیس حکام کی ہدایت پر ملزم کی فوری گرفتاری کے لیے ٹیم تشکیل دی گئی ۔
ڈی ایس پی پھلڑہ مدثر ضیاء نے اپنی ٹیم کے ہمراہ جدید تفتیشی تکنیکوں اور تمام وسائل کو بروئے کار لاتے ہوئے ملزم زاہد حسین شاہ کو کامیاب کارروائی کے دوران گرفتار کر لیا ۔
پولیس حکام کے مطابق گرفتار ملزم سے واقعے سے متعلق مزید تفتیش جاری ہے ۔
