نوشہرہ میں جی ٹی روڈ تاروجبہ کے قریب گاڑی روکنے پر ایکسائز پیٹرولنگ پر نامعلوم مسلح افراد کی فائرنگ سے دو اہلکار اور ایک ڈرائیور جاں بحق ہوگئے ۔
فائرنگ سے جاں بحق ہونے والوں میں کانسٹیبل افتخار اور کانسٹیبل مجاہد موقع پر شہید ہوگئے جبکہ ڈرائیور انسپکٹر شبیر کو شدید زخمی حالت میں ہستپال منتقل کیا گیا تاہم وہ جانبر نہ ہو سکا اور شہیئد ہو گئے ۔
محکمہ ایکسائز اینٹیلی جنس ٹیم کے شہید دو اہلکاروں سمیت ڈرائیور کی نماز جنازہ پولیس لائن میں ادا کر دی گئی ،نماز جنازہ میں آئی جی خیبر پختونخوا ذوالفقار حمید، سی سی پی او قاسم خان اور ایس ایس پی آپریشنز سمیت ایکسائز حکام اور شہدا کے اہل خانہ نے شرکت کی ۔
ایکسائز اہلکاروں پر فائرنگ کے واقعے کے بعد چیف سیکریٹری خیبرپختونخوا نے متعلقہ حکام سے رپورٹ طلب کرلی ۔
چیف سیکریٹری شہاب علی شاہ کا کہنا تھا کہ ایکسائز اہلکار صوبے میں منشیات و سمگلنگ کے خلاف جنگ لڑ رہے ہیں، ایکسائز اہلکاروں کی قربانیاں رائیگاں نہیں جائیں گی ۔
