راولپنڈی ٹیسٹ میں پاکستان کے خلاف 98 رنز پر انگلینڈ کی آدھی ٹیم آؤٹ ہونے کے بعد میچ میں واپسی کرتے ہوئے اب سے کچھ دیر پہلے تک 8 وکٹوں کے نقصان پر 244 رنز بنالیے۔
راولپنڈی میں کھیلے جارہے 3 ٹیسٹ میچز پر مشتمل سیریز کے آخری ٹیسٹ میں انگلش ٹیم کے اوپنر بین ڈکٹ اور زیک کرالی نے ٹیم کو 56 رنز کا آغاز فراہم کیا لیکن ان دونوں کے علاوہ دیگر کھلاڑی ڈبل فیگر میں داخل نہ ہوسکے۔
زیک کرولی 29 اور اوپنر بین ڈکٹ 52 رنز بنانے کے بعد نعمان علی کا شکار بنے جس کے بعد دیگر تینوں بلے بازوں کو ساجد علی نے پویلین واپس بھیجا، مڈل آرڈر بیٹر اولی پوپ 3، جو روٹ اور ہیری بروک 5، 5، کپتان بین اسٹوکس 12 رنز کے مہمان ثابت ہوئے۔
118 رنز پر 6 وکٹیں گرنے کے بعد انگلش ٹیم کے لیے 7ویں وکٹ کی شراکت میں گس اٹکنسن اور جیمی اسمتھ نے 107 رنز کی پارٹنرشپ قائم کی تاہم اٹکنسن 39 رنز کی مزاحمتی اننگز کھیل کر وکٹ گنوا بیٹھےجبکہ جیمی اسمتھ بھی 91 رنز بناکر پویلین لوٹ گئے۔
پاکستان کی جانب سے ساجد خان نے 4، نعمان علی نے 3 اور زاہد محمود نے ایک وکٹ حاصل کی۔
چائے کے وقفے تک انگلینڈ نے 8 وکٹوں کے نقصان پر 244 رنز بنالیے ہیں، ریحان احمد 2 اور جیک لیچ رن کے ساتھ کریز پر موجود ہیں۔
