چین نے انتہائی کم ترقی یافتہ ممالک کے لیے اہم اعلان کر دیا ـ جس کے مطابق کم ترقی یافتہ ممالک کی 100 فیصد مصنوعات پر ٹیکس ختم کیا جائے گا ـ
غیر ملکی خبر رساں ادارے کی رپورٹ کے مطابق ، چین نے ایسے ممالک جو انتہائی کم ترقی یافتہ ہیں ـ ان ممالک کی 100 فیصد مصنوعات کو زیرو ٹیرف ٹریٹمنٹ دینے کا اعلان کیا ہے۔ چین کی ریاستی کونسل کے کسٹمز ٹیرف کمیشن نے ایک اعلان کیا ، جس کے مطابق انتہائی کم ترقی یافتہ ممالک کے لیے چین کی جانب سے کھلے پن کو مزید بڑھانے اور مشترکہ ترقی کے حصول کی خاطر ٹیکس ختم کرنے کا فیصلہ کیا گیا۔
رپورٹ کے مطابق یکم دسمبر 2024 سے چین کے ساتھ سفارتی تعلقات قائم کرنے والے انتہائی کم ترقی یافتہ ممالک کی 100 فیصد مصنوعات پر ترجیحی ٹیکس کی صفر شرح لاگو ہو گی۔
کسٹمز ٹیرف کمیشن کے مطابق ان میں سے ٹی آر کیو مصنوعات صرف کوٹہ کے اندر ٹیرف کی شرح کو صفر تک کم کیا گیا۔ اور کوٹہ سے باہر ٹیرف کی شرح میں کوئی تبدیلی نہیں ہو گی۔
