چیئرمین پی ٹی آئی عمران خان کی وزیراعلیٰ خیبر پختونخوا علی امین گنڈاپور کی صحافیوں کے بارے گفتگو کے بارے میں ردعمل دیتے ہوئے صحافیوں سے متعلق علی امین گنڈاپور کی گفتگو کو نامناسب قرار دے دیا۔
اڈیالہ جیل میں صحافیوں سے غیر رسمی گفتگو کرتے ہوئےبانی پی ٹی آئی کا کہنا تھا علی امین گنڈاپور جوش خطابت میں بہت زیادہ بول گئے ہیں، ان کو صحافیوں سے متعلق ایسی گفتگو نہیں کرنی چاہیے تھی۔
عمران خان نے کہا کہ صحافی جس پریشر میں اپنا کام کر رہے ہیں وہ جہاد کرنے کے مترادف ہیں۔
واضح رہے کہ 8 ستمبر کو اسلام آباد میں ہونے والے جلسے میں وزیراعلیٰ کے پی علی امین گنڈا پور نے صحافیوں سے متعلق نازیبا زبان استعمال کی تھی جس پر صحافی برادری کی جانب سے شدید احتجاج کیا گیا تھا۔
علی امین گنڈا پور کے رویے پر چیئرمین پی ٹی آئی بیرسٹر گوہر اور اسد قیصر نے معافی بھی مانگی تھی تاہم صحافیوں کی جانب سے علی امین گنڈا پور سے معافی کا مطالبہ کیا گیا تھا۔
