بالی ووڈ کی مشہور و معروف اداکارہ ملائیکہ اروڑا کے والد نے عمارت کی چھت سے چھلانگ لگا کر خودکشی کرلی ہے۔
غیر ملکی خبر رساں ادارے کی رپورٹ کے مطابق بالی ووڈ ماڈل و اداکارہ ملائیکہ اروڑا کے والد انیل اروڑا نے خود کشی کرلی ـ انیل اروڑا نے ممبئی کے علاقے باندرا کی عمارت کی چھت سے چھلانگ لگا کر خودکشی کی ـ
رپورٹ کے مطابق ، حادثے کے بعد پولیس جائے وقوعہ پر پہنچ گئی اور لاش تحویل میں لے لی ـ تاہم پولیس کو خودکشی کی اصل وجہ تاحال معلوم نہ ہو سکی ـ
غیر ملکی خبر رساں ادارے کی رپورٹ کے مطابق جس وقت انیل اروڑا نے خودکشی کی ملائیکہ اروڑا اس وقت اپنے والد کے گھر میں موجود نہیں تھیں، جب کہ دوسری جانب ملائیکہ اروڑا کے سابق شوہر ارباز خان ان کے والد انیل اروڑا کی موت کی خبر سن کر سب سے پہلے ملائیکہ کے گھر پہنچ گئے۔
انیل اروڑا کے سوگواران میں ان کی بیٹیاں، اداکارہ ملائیکہ اروڑا، امریتا اروڑا اور اہلیہ جوائس پولیکارپ چھوڑے ہیں۔
