بھارت میں حیدرآباد کے علاقے جیڈی مٹلہ میں افسوسناک واقعہ پیش آیا جہاں ایک جوڑے نے اپنے دو بچوں کو مبینہ طور پر قتل کر دیا اور اپنے بچوں کو مارنے کے بعد انہوں نے اپنی زندگی کا خاتمہ کر لیاـ
غیر ملکی خبر رساں ادارے کی رپورٹ کے مطابق اس جوڑے کا تعلق منچریال سے تھا اس جوڑے وینکٹیش اورورشنی کے دو بچے 11سالہ رشی کانت اور 3سالہ ویہت تھے۔یہ خاندان گاجولارامارم علاقہ کے ایک اپارٹمنٹ میں رہائش پذیر تھا، گزشتہ روز ان چاروں کی فلیٹ سے لاشیں برآمد کی گئیں۔رپورٹ کے مطابق ، واقعہ کی اطلاع ملتے ہی جیڈی مٹلہ کی پولیس وہاں پہنچ گئی اور لاشوں کو پوسٹ مارٹم کے لئے روانہ کرنے کے بعد،مقدمہ درج کرکے تحقیقات شروع کردی ہیں۔
