معروف پاکستانی ڈرامہ نگارخلیل الرحمان قمر ہنی ٹریپ کیس میں بڑی پیش رفت ہوئی ہے۔
لاہور ہائی کورٹ نے ملزمہ آمنہ عروج پر تشدد کے الزام میں پولیس افسران کے خلاف کارروائی کا تحریری حکم نامہ جاری کردیا گیا ہے۔
ذرائع کے مطابق عدالت نے ملزمہ آمنہ عروج کی حراستی تشدد کی درخواست پر تحریری حکم جاری کرتے ہوئے ڈی جی ایف آئی اے کو پولیس افسران کے خلاف شکایت درج کرکے کارروائی کی ہدایت کردی ہے۔
تحریری حکم نامے کے مطابق میڈیکل رپورٹ سے ثابت ہوا کہ آمنہ عروج پر جسمانی ریمانڈ کے دوران تشدد کیا گیا، کسٹوڈیل ڈیتھ ایکٹ 2022 کے تحت حراستی تشدد ایک جرم ہے، تاہم ملزمان کو سزا دینے کے لیے اس کیس کی تحقیقات ضروری ہیں۔
ملزمہ آمنہ عروج کے مطابق جسمانی ریمانڈ کے دوران ان پر ذہنی اور جسمانی تشدد کیا گیا۔
عدالتی حکم پر آمنہ عروج کو عدالت کے روبرو پیش کیا گیا، ملزمہ نے بتایا کہ درخواست اس کی جانب سے دی گئی ہے۔
