انسدادِ انسانی سمگلنگ سرکل راولپنڈی نے بڑی کاروائی کے دوران ایک ویزا فراڈ اور انسانی سمگلنگ میں ملوث ایجنٹ کو گرفتار کر لیا۔
ملزم محمد اختر خان کو راولپنڈی سے گرفتار کیا گیا۔ ملزم نے شہری کو بیرون ملک ملازمت کا جھانسہ دے کر لاکھوں روپے بٹورے تھے۔ ملزم نے شہری کو امریکہ بھجوانے کے لیے 22 لاکھ روپے ہتھیائے مگر ملزم شہری کو امریکہ بھجوانے میں ناکام رہا۔ ملزم کو گرفتار کر کے تفتیش کا آغاز کر دیا گیا ہے ۔
