ناران میں المناک کار حادثے میں میاں بیوی جاں بحق، تین بچے زخمی ہوگئے۔ واقعہ اس وقت پیش آیا جب خاندان ضلع مانسہرہ کے علاقے بابوسر ٹاپ سے واپس آرہا تھا۔ ان کی گاڑی لولوسر جھیل کے قریب گہری کھائی میں جا گری.
یہ خاندان جس کا تعلق لاہور سے ہے. یاد رہے کہ سیاحتی مقام ناران میں گاڑی کو حادثہ پیش آیا جس کے باعث گاڑی میںسوار ایک ہی خاندان کے 5 میں سے 2 افراد جاں بحق جبکہ 3 زخمی ہو گئے۔
سیاحتی مقامات کے ارد گرد لگائے گئے متعدد احتیاطی اقدامات اور انتباہی سائن بورڈز کے باوجود، اس طرح کے حادثات میں مسلسل اضافہ ہو رہا ہے، جس سے مسافروں کی حفاظت کے بارے میں سنگین خدشات پیدا ہو رہے ہیں۔ حکام نے ڈرائیوروں پر زور دیا ہے کہ وہ ان خطرناک راستوں پر احتیاط برتیں۔ تاہم، کاغان، ناران، گلیات، اور ہنزہ جیسے مشہور سیاحتی مقامات میں حادثات کی بڑھتی ہوئی تعداد بہتر انفراسٹرکچر اور حفاظتی پروٹوکول کی فوری ضرورت کو اجاگر کرتی ہے۔
دنیا بھر سے سیاح ان دلکش مقامات پر آتے ہیں، لیکن حادثات کے خطرے کو کم کرنے کے لیے انفراسٹرکچر کی ترقی پر حکومت کی توجہ بہت ضروری ہے۔ مقامی اور بین الاقوامی زائرین کی حفاظت کو یقینی بنانے کے لیے بہتر سڑک کے حالات، واضح اشارے، اور باقاعدہ دیکھ بھال ضروری ہے۔
