ہریپور میں خوفناک ٹریفک حادثہ کئی افراد کی جانیں لےگیا۔ ہریپور میں مسافر وین تیزرفتاری سے موڑ کاٹتے ہوئے حادثے کا شکار ہو گئی، وین میں سوار 7 افراد جاں بحق جبکہ 10 سے زائد مسافر زخمی ہو گئے۔
ذرائع کے مطابق مسافر وین کو حادثہ تھانہ صدر کی حدود میں چہکائی کے مقام پر پیش آیا، ریسکیو ذرائع کے مطابق حادثے میں 7 افراد جاں بق جبکہ 10 سے زائد مسافر زخمی ہو گئے۔ حادثے کے باعث مسافر وین 200 فٹ گہری کھائی میں جا گری۔ رسکیو 1122 اور مقامی افراد نےامدادی کارروائیوں میں حصہ لیا اورجاں بحق اور زخمیوں کو ٹراما سنٹر منتقل کیا گیا۔ وین اسلام اباد ائیرپورٹ جا رہی تھی۔ مسافر وین میں ایک ہی خاندان کے سترہ مسافر سوار تھے۔
حادثے میں زخمیوں میں بچے اور خواتین بھی شامل ہیں جبکہ زخمیوں کی تعداد زیادہ ہونے پر ہلاکتوں میں اضافے کا خدشہ ظاہر کیا جا رہا ہے۔
