اسلام آباد ہائی کورٹ (آئی ایچ سی) نے جمعہ کو ایڈیشنل اٹارنی جنرل کی جانب سے شاعر اور صحافی احمد فرہاد کی بازیابی کے لیے دائر درخواست کو نمٹانے کی درخواست مسترد کر دی۔
اسلام آباد ہائی کورٹ کے جسٹس محسن اختر کیانی نے احمد فرہاد کی اہلیہ عروج زینب کی جانب سے اپنے شوہر کی بازیابی کے لیے دائر درخواست کی سماعت کی جس میں درخواست گزار کے وکلا ایمان مزاری، ہادی علی ایڈووکیٹ اور حکومت کی جانب سے ایڈیشنل اٹارنی جنرل منور اقبال عدالت میں پیش ہوئے۔ ایڈیشنل اٹارنی جنرل منور نے عدالت کو بتایا کہ فرہاد 2 جون تک جسمانی ریمانڈ پر ہیں، اہل خانہ سے ملاقات کرائی گئی. اس پر مزاری نے کہا: ’’ہم نے صرف واپسی کا نہیں کہا، ہم نے یہ بھی کہا کہ جبری گمشدگی کے ذمہ داروں کے خلاف کارروائی کی جائے‘‘۔
