وفاقی حکومت نے ملک بھر کے طلباء کے لیے آن لائن ایجوکیشن پورٹل بنانے کا فیصلہ کیا ہے۔
تفصیلات کے مطابق وزیراعظم شہباز شریف نے وزارت انفارمیشن ٹیکنالوجی اینڈ ٹیلی کمیونیکیشن (آئی ٹی اینڈ ٹیلی کام) کو آن لائن ایجوکیشن پورٹل تیار کرنے کی ہدایت کی ہے۔ وفاقی حکومت کی طرف سے تیار کیا جانے والا مجوزہ پورٹل طلباء کو تعلیمی وسائل اور ورچوئل لرننگ ماحول تک رسائی میں مدد دے گا۔ وزارت آئی ٹی اور ٹیلی کام اور وفاقی وزارت تعلیم مشترکہ طور پر ایک ماہ کے اندر پورٹل تیار کریں گے۔ وزارت آئی ٹی نے اس حوالے سے وفاقی وزارت تعلیم کو باضابطہ طور پر آگاہ کر دیا ہے۔
