پاکستان مسلم لیگ نواز (پی ایم ایل این) کے شیخ جعفر مندوخیل نے پیر کو گورنر بلوچستان کے عہدے کا حلف اٹھا لیا۔
چیف جسٹس بلوچستان ہائی کورٹ ہاشم خان کاکڑ نے گورنر ہاؤس میں منعقدہ تقریب میں شیخ جعفر مندوخیل سے بلوچستان کے 24ویں گورنر کے عہدے کا حلف لیا۔تقریب حلف برداری میں وزیر اعلیٰ بلوچستان سرفراز بگٹی، کابینہ کے ارکان، وزراء اور اراکین صوبائی اسمبلی نے شرکت کی۔ مندوخیل بلوچستان کی حکومتوں میں مختلف اہم عہدوں پر فائز رہے جن میں وزیر خزانہ، وزیر منصوبہ بندی و ترقیات، وزیر تعلیم شامل ہیں۔ اس سے قبل ایک اہم پیش رفت میں صدر آصف علی زرداری نے گورنر جعفر خان مندوخیل کی بطور گورنر بلوچستان تقرری کی منظوری دی۔
