جو والدین اپنے بچوں کو پولیو کے قطرے پلانے سے انکار کرتے ہیں انہیں جیل اور جرمانے کا سامنا کرنا پڑے گا کیونکہ سندھ حکومت نے ایسے سرپرستوں کے خلاف سخت کارروائی کرنے کا فیصلہ کیا ہے۔
صوبائی حکومت نے سندھ امیونائزیشن اینڈ ایپیڈیمک کنٹرول بل 2023 کے تحت ڈپٹی کمشنرز کو ایسے والدین کے خلاف کارروائی کا اختیار دیا۔ اپنے بچوں کو قطرے پلانے سے انکار کرنے والے والدین کو 50 ہزار روپے جرمانہ اور ایک ماہ قید کی سزا ہو گی۔ جو والدین اپنے بچوں کو قطرے پلانے سے انکار کرتے ہیں ان کی شناخت محکمہ صحت اور پولیو ورکرز کے ذریعے کی جائے گی جو پھر پولیس کے ساتھ مل کر ان کے خلاف مناسب اقدامات کریں گے۔ اس تناظر میں سندھ پولیس کو محکمہ صحت اور پولیو ورکرز کے ساتھ مکمل تعاون کرنے کی ہدایت کی گئی ہے۔
