نگراں وفاقی وزیر آئی ٹی ڈاکٹر عمر سیف نے بتایا ہے کہ ملکی آئی ٹی برآمدات ریکارڈ میں اضافہ ہوگیا۔
ڈاکٹر عمر سیف نے بیان میں کہا کہ حکومتی پالیسیوں کی بدولت دسمبر میں آئی ٹی ایکسپورٹ میں ریکارڈ اضافہ ہوا۔ نومبر میں 13فیصد رہنے کے بعد دسمبر میں آئی ٹی ایکسپورٹ 22فیصد اضافے سے 303ملین ڈالرز رہیں۔انہوں نے بتایا کہ 50فیصد ڈالر رکھنے کی سہولت، ڈیجیٹل پیمنٹ سسٹم، فری لانسرز کیلئے سہولیات اس اضافے کی بنیادی وجوہات ہیں۔
ڈاکٹر عمر سیف کا کہنا تھا کہ آئی ٹی انڈسٹری کیلئے سہولیات پر وزیر اعظم، خصوصی سرمایہ کاری سہولت کونسل کے شکر گزار ہیں۔ ہماری پالیسیوں کا مقصد آئی ٹی و ٹیلی کام سیکٹر کا فروغ اور ملکی معیشت کو استحکام دینا ہے۔عمرسیف نے زور دیا کہ یہ صرف آغاز ہے۔ جلد بڑے نتائج آئیں گے۔ 10ارب ڈالرز کا ہدف بھی پورا ہوگا۔ اپنی اصلاحات سے آنے والی حکومت کیلئے آئی ٹی انڈسٹری کے فروغ کا راستہ بنادیا ہے۔چیئرمین پاشا زوہیب خان نے آئی ٹی ایکسپورٹ میں اضافے پر وزیر آئی ٹی، ایس آئی ایف سی، آئی ٹی انڈسٹری کو مبارکباد پیش کی۔
