آزاد کشمیر میں عوام نے سیاسی رہنمائوں کو نشانے پر رکھ لیا۔ ایک دلچسپ واقعے میں عوام نے وزیرصحت آزادکشمیر کے بچوں کو سرکاری گاڑی میں اسکول سے لاتے ہوئے روک لیا۔
یہ واقعہ پیش آنے کے بعد چوری اور اوپر سے سینہ زوری کا مظاہرہ کرتے ہوئے سرکاری گاڑی کے ڈرائیور کی درخواست پر تھانہ کھوئی رٹہ میں نامعلوم افراد کے خلاف مقدمہ درج کرلیا گیا ہے۔ ایف آئی آر کے مطابق وزیرصحت آزادکشمیر کے بچوں کو سرکاری گاڑی میں اسکول سے لیا جارہا تھا کہ عوام نے گاڑی کو روک لیا اورنامعلوم افراد نے بدتمیزی کی۔ دوسری جانب واقعے کے بعد ایس ایس پی کوٹلی کو بھی تبدیل کردیا گیا ہے۔
