آزاد جموں کشمیر (اے جے کے) کے ضلع مظفر آباد میں دیولیاں کے مقام پر جیپ حادثے میں 13 مسافر جان کی بازی ہار گئے جبکہ 4 افراد زخمی ہو گئے۔
ریسکیو 1122 نے خبر کی تصدیق کرتے ہوئے بتایا کہ لاشوں اور زخمیوں کو ہسپتال منتقل کر دیا گیا ہے.ریسکیو حکام کے مطابق جیپ گہری کھائی میں گرنے سے ڈرائیور سمیت 13 افراد موقع پر دم توڑ گئے، جاں بحق ہونے والوں میں 6 مرد، 4 خواتین اور 3 بچے شامل ہیں.ریسکیو ذرائع نے بتایا ہے کہ بارش کی وجہ سے امدادی کاموں میں مشکلات کا سامنا کرنا پڑرہا ہے، مقامی افراد اپنی مدد آپ کے تحت لوگوں کو نکال رہے ہیں. ۔زخمیوں کے ساتھ جاں بحق افراد کی لاشوں کو فوری طبی امداد اور شناخت کے لیے قریبی اسپتالوں میں منتقل کیا گیا.
