اٹک پولیس نے کاروائی کے دوران درجنوں منشیات فروش گرفتار کر کے 15 کلو سے زائد چرس، 11 سوگرام افیون اور 60 لیٹر شراب برآمد کر لی۔
تھانہ سٹی اٹک پولیس نے سلیمان اور عزیز اللہ نامی منشیات فروشوں کو منشیات سمیت گرفتار کر لیا۔ دوسری طرف اٹک پولیس کی ٹیم نے بین الصوبائی منشیات سمگلر شعیب خان سے 22 سوگرام چرس اور 11 سوگرام افیون، وحید خان سے 22 سوگرام چرس اور حسیب الرحمٰن کے قبضہ سے 22 سوگرام چرس برآمد کر لی۔
ایک اور کارروائی میں تھانہ سٹی حسن ابدال پولیس نے دوران گشت فیاض علی سے 13 سوگرام چرس اور شان علی کی تلاشی لینے پر 14 سوگرام چرس برآمد کر لی۔
تھانہ پنڈیگھیب پولیس کی ٹیم نے محمد یوسف سے دوران تلاشی 14 سوگرام چرس برآمد کر لی۔ تھانہ حضرو پولیس کی ٹیم نے منشیات کے سوداگر شمشیر خان سے دوران چیکنگ 1990 گرام چرس برآمد کر لی جبکہ شراب فروش ممریز کے قبضہ سے 15 لیٹر شراب، عمر فاروق 10 لیٹر شراب اور محمد نذیر کی تلاشی لینے پر 15 لیٹر شراب برآمد کر لی۔
