بھارتی ریاست گجرات میں ایک شخص نے ارڈیو پلمونری ریسیسیٹیشن (سی پی آر) تکنیک کا استعمال کرتے ہوئے ایک سانپ کی جان بچالی۔
سی پی آر ایسی تکنیک کو کہا جاتا ہے جس میں ایک شخص اپنے منہ سے دوسرے شخص کے منہ میں سانس دے کر اس کی جان بچانے کی کوشش کرتا ہے۔
بھارتی ریاست گجرات میں جنگلی حیات کو بچانے والے یش تڈوی نے بتایا کہ انہیں اپنے ہیلپ لائن نمبر پر ایک کال موصول ہوئی کہ ایک علاقے میں سانپ مردہ پایا گیا ہے۔
وہاں پہنچ کر یش نے سانپ کو بے ہوشی کی حالت میں پایا۔
یش کا کہنا تھا کہ اس نے سانپ کی گردن اپنے ہاتھ میں لی اس کا منہ کھولا اور تین منٹ تک اس کے منہ میں پھونک مار کر اسے ہوش میں لانے کی کوشش کی۔
یش نے مزید بتایا کہ پہلی 2 کوششوں میں سی پی آر دینے کے بعد بھی سانپ کی حالت میں کوئی تبدیلی نہیں آئی تاہم جب اس نے تیسری بار سی پی آر کیا تو سانپ حرکت کرنے لگا۔
