ہری پور میں تجاوزات کے خلاف آپریشن کے موقع پر مقامی تاجروں نے شدید احتجاج کیا،جبکہ ریڑھی بانوں نے بھی تاجروں کا بھرپور ساتھ دیا۔
ذرائع کے مطابق ضلع ہری پور کے بازاروں میں تاجروں اور ریڑھی بانوں نے ٹی ایم اے کے اہلکاروں اور اسسٹنٹ کمشنر کی گاڑی کا گھیراو کیا اور اس کے بعد شدید نعرہ بازی شروع کردی۔اسٹنٹ کمشنر اور ٹی ایم اے کا مشترکہ ڈاکخانہ روڈ پر عارضی تجاوزات کے خلاف آپریشن جاری ہی تھا کہ اسی دوران لوگوں کے ہجوم نے ایک گھنٹے تک سرکاری گاڑی کا گھیراو کئے رکھا اعر اسسٹنٹ کمشنر محمد فراز قریشی کو گاڑی میں ہی محصور رکھا۔
ریڑھی بانوں اور دکانداروں نے آپریشن کے خلاف مزاحمت کی اور گاڑی کے آگے زمین پر ہی بیٹھ گئے، اسی دوران ہجوم کو اشتعال دلانے والے 3 افراد کے خلاف تھانہ ماڈل سٹی میں مقدمہ درج کر لیا گیا ہے۔اسسٹنٹ کمشنر محمد فراز قریشی کی طرف سے ملزمان کے خلاف مقدمہ درج کیا گیا ہے۔واضح رہے کہ ہری پور میں تجاوزات کے خلاف آپریشن کے موقع پر مقامی تاجروں نے شدید احتجاج کیا،اور اس کے ساتھ ریڑھی بانوں نے بھی تاجروں کا ساتھ دیا۔
