ایف آئی اے کے سائبر کرائم ونگ نے معروف کالم نگار و تجزیہ کار اوریا مقبول جان کو ڈی ایچ اے فیز 6 لاہور میں ان کی رہائشگاہ سے گرفتار کیا ہے۔
ذرائع کے مطابق اوریا مقبول جان کو مذہبی منافرت پھیلانے کے الزام میں گرفتار کیا ہے
ذرائع کا کہنا ہے کہ اوریا مقبول جان پر مذہبی منافرت، اداروں کے خلاف باتوں پر سائبر ٹیررازم ایکٹ کے تحت مقدمہ درج کر لیا گیا ہے اور ان سے تفتیش شروع کر دی گئی ہے۔
اوریا مقبول جان کے وکیل اظہر صدیق کا کہنا ہے کہ اوریا مقبول جان کو گلبرگ سائبر کرائم کے دفتر میں رکھا گیا ہے، ان کو سوشل میڈیا پوسٹ کرنے پر حراست میں لیا گیا جہاں وہ مبارک ثانی کیس سے متعلق بات کر رہے تھے۔
وکیل کے مطابق ان کو ایف آئی آر کی تفصیلات بھی نہیں بتائی جا رہی ۔
