وزیراعلٰی مریم نواز کا کہنا ہے کہ پنجاب دن بدن ترقی کر رہا ہے اور اس کی ترقی دیکھ کر لوگ پنجاب کا رخ کر رہے ہیں ـ
وزیراعلیٰ مریم نواز نےایک نئے منصوبے اپنا گھر اپنی چھت کا اعلان کیا ہے،اس منصوبے کی افتتاحی تقریب سے خطاب کرتے ہوئے انہوں نے کہا کہ ایسی اسکیم لانچ کرنے جارہی ہوں جس کا مجھے طویل عرصے سےانتظار تھا، اور اس اسکیم کا سب سے زیادہ انتظار میرے والد نوازشریف کو تھا۔اس اسکیم کےتحت 15 لاکھ روپے کا قرضہ لیا جاسکتا ہے، قرضے کو 7 سال کی آسان اقساط پر ادا کیاجاسکتا ہے۔مریم نواز نے کہا کہ اپنے گھر سے بڑی کوئی نعمت نہیں ہوتی، اور اس سکیم پر تیزی سے کام ہو گاـاپنی چھت اپنا گھر کے لیےکوئی سود ادا نہیں کرنا پڑے گا۔
انکا کہنا تھا کہ قرض کے لیےآن لائن درخواست کی جاسکتی ہے، پہلے 3 ماہ تک آپ کو کوئی قسط نہیں دینی پڑے گی شہری علاقے میں 5، دیہات میں 10مرلے تک زمین ہے تو قرضہ دیا جائے گا، اور اس سکیم میں بینک کا کوئی عمل دخل نہیں ہوگاـ
