راولپنڈی سے گلگت ہنزہ جانے والی مسافر بس حادثے کا شکار ہوگئی۔جس کے باعث تین مسافر جان کی بازی ہار گئے ہیں۔
اپر کوہستان میں شاہراہ قراقرم پر لینڈ سلائیڈنگ کے نتیجے میں ایک مسافر بس حادثے کا شکار ہوگئی۔ ریسکیو ذرائع کے مطابق اس حادثے میں تین مسافر جاں بحق ہوگئے ہیں جبکہ متعدد افراد زخمی ہوئے ہیں۔حادثہ نیٹکو کی گاڑی کے ساتھ پیش آیا اور زخمیوں کو فوری طبی امداد فراہم کرنے کے لیے ایمبولینس میں روانہ کردیا گیا ہے۔ جاں بحق ہونے والوں میں سے ایک مسافر کا تعلق راولپنڈی سے، دوسرے کا گلگت بلتستان سے اور تیسرا جاں بحق ہونے والا پاکستان آرمی کا نوجوان تھا۔ذرائع کے مطابق امدادی کاروائیاں کی جارہی ہیں۔
