ہری پور: ترجمان تربیلہ ڈیم کے مطابق شمالی علاقہ جات میں گلیشئرز کے پگھلنے کی وجہ سے تربیلہ ڈیم میں پانی کی امد میں مسلسل اضافہ ہو رہا ہے ۔
اپنے ایک بیان میں ترجمان نے کہا ہے کہ تربیلہ ڈیم پانی کا ذخیرہ ڈیڈ لیول سے 71 فٹ بلند ہوگیا ہے، ڈیم میں پانی کی سطح 1473.84 لیول ریکارڈ کی گئی ہے ۔
انہوں نے کہا کہ ڈیم میں پانی کی آمد 168700 کیوسک ریکارڈ کی گی ہے، ڈیم سے پانی کا اخراج 155000 کیوسک ہے ۔
ترجمان کا مزید کہنا تھا کہ بجلی کے 17 پیداواری یونٹ کام کر رہے ہیں، 17 پیداواری بجلی کے یونٹ سے2736 میگاواٹ بجلی بنائی جارہی ہیں ۔
ان کا کہنا تھا کہ تربیلہ ڈیم کا ڈیڈ لیول 1402 سے ہیں اور پانی ذخیرہ کرنے کی گنجائش 1550 فٹ ہے، تربیلہ ڈیم کے پاور ہاوس میں لگے17 پیداواری یونٹ 4888میگاواٹ بجلی بنانے کی صلاحیت رکھتے ہیں ۔
