اپر کوہستان کے علاقہ اچھاڑ نالہ کے مقام پر مزدوروں کو لے جانے والی گاڑی حادثے کا شکار ہو گئی۔ حادثے میں3 افراد کے جاں بحق ہونے کی اطلاعات ہیں.اطلاع ملتے ہی ریسکیو کی میڈیکل ٹیم بمعہ ایمبولینسز موقع پر پہنچی اور امدادی کاروائیاں شروع کر دیں۔
حادثہ کا شکار ہونے والی گاڑی میں سوار 10 افراد شدید زخمی ہو ئے جنہیں فوری طبی امداد دینے کے بعد ڈسٹرکٹ ہیڈ کواٹر داسو منتقل کر دیا گیا۔ ذرائع کا اس حوالے سے کہنا ہے کہ ہسپتال میں ڈاکٹروں نے ان 10 زخمی افراد میںسے 3 افراد جاں بحق ہونے کی تصدیق کر دی ہے۔
