راولپنڈی میں شادی میں ہوائی فائرنگ کرنے والوں نے پولیس پر بھی فائرنگ کر دی. پولیس نے دولہا کے والد سمیت 9 ملزمان کو گرفتارکرلیا ہے جبکہ دولہا موقع سے فرار ہو گیا۔
یہ واقعہ راولپنڈی کے تھانہ صادق آباد کی حدود میں پیش آیا کہ شادی میں ہوائی فائرنگ کرنے والے ملزمان نے روکنے پر پولیس پر بھی فائرنگ کر دی۔ پولیس نے مقدمہ درج کرتے ہوئے ملزمان سے بھاری مقدارمیں اسلحہ اور گولیاں برآمد کرلیں۔
ایف آئی آر میں پولیس نے 13 ملزمان کو نامزد کیا ہے اور دہشت گردی کی دفعات بھی شامل کی گئی ہیں۔ پولیس کے مطابق ملزمان نے پولیس سے مزاحمت کی، اس دوران سرکاری گاڑی کو بھی فائر لگا۔ ایس ایس پی آپریشنز راولپنڈی کامران اصغر کا کہنا ہے کہ ہوائی فائرنگ کسی صورت برداشت نہیں۔
