وزیراعظم نے 12 اگست کو ورلڈ یوتھ ڈے منانے کا فیصلہ کرلیا ہے۔
وزیراعظم شہبازشریف نے پیرس اولمپکس 2024 میں پاکستانی ایتھلیٹ ارشد ندیم کے گولڈ میڈل جیتنے کی خوشی میں 12 اگست کو ورلڈ یوتھ ڈے بھرپور طریقے سے منانے کا فیصلہ کیاہے ۔ذرائع کا کہنا ہے کہ نیشنل یوتھ پالیسی کا اعلان بھی کیا جائے گا، وزیراعظم یوتھ پروگرام کے انچارج رانا مشہود کو اس تقریب کی ذمہ داری سونپی گئی ہے۔اس رنگا رنگ تقریب میں قومی ایتھلیٹ ارشد ندیم بھی شرکت کریں گے، ملکی وغیر ملکی کمپنیوں کی جانب سے کھلاڑیوں اور نوجوانوں کو جاب آفرز کے حوالے سے سٹالز بھی لگائیں گی۔
یاد رہے کہ گزشتہ روز پیرس اولمپکس 2024 میں پاکستانی ایتھلیٹ ارشد ندیم نے جیولن تھرو کے فائینل میں 92.97 میٹر کی تھرو پھینک کر گولڈ میڈل اپنے نام کرنے کے ساتھ ہی اولمپکس کا نیا ریکارڈ بھی بنا دیا تھا ۔یہ پاکستان کی تاریخ کا پہلا موقع تھا جب پاکستان کی طرف سے کسی ایتھلیٹ نے انفرادی حیثیت میں اولمپکس گیمز میں گولڈ میڈل جیتا ہے۔
